A monk as devil's bagpipe (British Museum 1870,0625.560)

Dem Bapst mit seiner Giestlichkeit /
Hat L V T H E R than gar grosses leydt.
Sein reych durch Gottes krafft zerstört /
Sampt seinem grompelmarck vmbkert.
Deß trauret nuhn die Caynisch Rott /
Daß so gefallen jr abgott.
Nuhn ists der Teuffel jnnen worden /
Vnd hat durch krochen alle Orden.
Biß er hat funden Bruder Nasen /
Sampt andren seinen auffgeblasen.
Ein Sackpfeyff ehr auß jn gemacht /
Damit so treybt er seinen pracht.
Vnd pfeyffet einen firle fantz /
Vermeint zu machen wider gantz /
Deß Bapstes reyen / vnd process /
Zu bringen wider jnn sein posseß.
Es wirt jhn aber grob mißlingen /
So spricht der Geyst zu disen dingen.
Der teuffel furts jn dhellen glut /
Do mügen sie haben guten mut /
Vnd nemen wol hiemit vor gut.