2023-04-22 Loes-Nunudoin, pa Atabae 1
Atabae, 22 Abril 2023: Komisàriu Ezekutivu Servisu Korporativu EDTL.E.P. Sr. Humberto Pereira akompaña husi Xefi Unidade EDTL, E.P Munisipiu Bobonaro, Sr. Mario de Jesus hamutuk ho Administrador Postu Atabae Sr. Lino Tavares no Autoridade Polisiál Atabae, Sabadu ne’e, ofisialmente halakan eletrisidade ba komunidade sira iha Suku Loes - Nunudoin, Postu Administrativu Atabae, Munisípiu Bobonaro. Administradór postu administrativu Atabae, Sr. Lino Tavares, haktuir komunidade sira iha Postu Atabae kuaze 97% asesu ona eletrisidade, tanba ne agradese ba esforsu Governu Da-ualu ne’ebé lideradu husi S.E Primeiru Ministru Jeneral Taur Matan Ruak, liu-husi EDTL, E.P ohin loron halakan tan eletrisidade ba komunidade sira iha Suku Loes-Nunudin. Alende ne’e, Sr. Lino Tavares husu komunidade sira atu labele halo ligasaun direta/illegal ba enerjia eletrika, tanba ida ne’e fo risku vida no sasan, nune’e nia husi atu kontribui hodi sosa token eletrisidade iha sentru venda ne’ebé besik. Komisàriu Ezekutivu Servisu Korporativu EDTL, E.P Sr. Humberto Pereira hatete EDTL, E.P liu-husi implementasaun programa eletrifikasaun tolu (3) dadaun ne’e konsege hasa’e rásio eletrifikasaun nivél nasionál atinji ona 94%, hanesan PEN implementa iha 41 sukus. PEK implementa iha 291 aldeias no Solar Home Lighting System ba komunidade sira iha áreas remotas ne’ebé rejistadu hamutuk uma-kain 1091, husi númeru refere aldeia balu mak dadaun ne’e asesu ona enerjia elétrika. “Komunidade uma-kain atus rua resin iha Suku Loes no Nunudoin ne’ebé ohin asesu ona eletrisidade, EDTL, E.P autoriza uza gratuita durante fulan ne’en, hafoin ne’e tékniku sira sei halo instalasaun kontador pré-pagu hodi kontribui ba taxa eletrisidade. Maibe husu komunidade sira atu uza enerjia eletrika ho kuidadu, responsabilidade no seguru nune’e labele afeta ba vida, husu mos komunidade sira atu kontaktu tékniku EDTL, E.P bainhira presiza halo ligasaun ruma”. Projetu eletrifikasaun refere liu-husi PEN pakote 44 ba konstrusaun no instalasaun nova liña media tensaun distânsia liña kilómetru sanulu resin-lima resin (MT 15,2Kms), Baixa tensaun kilómetru sanulu resin-ne’en resin (2 KMs) inklui instalasaun Transformador 50 KVA rua. Projetu refere gasta orsamentu Dólar Amerikanu, Rihun Atus Hitu Resin ($ 710,267.84) no benifisia uma-kain 220 asesu eletrisidade.
𝘔é𝘥𝘪𝘢, 𝘌𝘋𝘛𝘓, 𝘌.𝘗Relevante Bilder
Relevante Artikel
Atabae (Verwaltungsamt)Atabae ist ein osttimoresisches Verwaltungsamt in der Gemeinde Bobonaro. Verwaltungssitz ist Aidabaleten. .. weiterlesen