2023-03-23 Sede do Suku Bibileo 1
Viqueque - Kinta feira, 23/03/2023 Sekretariadu Tekniku PNDS Nasional Através Ekipa PNDS Municipiu Viqueque realisa Inaugurasaun ba Obra PNDS 3 hanesan Rehabilitasaun Sede do Suku, Konstrusaun Moru Postu Saude inklui Rehabilitasaun Estrada no Ponte ki'ik klalerek Mutin, iha Suku Bibileo Postu Administrativu Viqueque Vila. Diretor Geral Dezenvolvimento Rural (DGDR) Sr. Rozito Guterres representa Ministru da Administrasaun Estatal akompanha husi Selretaria Ezekutiva ST-PNDS Nasional, Sra. Claudinha Soares Pinto, Administrador Municipiu Viqueque no Xefe do Suku Bibileo tesi fita iha Sede do Suku Bibileo simbolikamente inaugura obra refere no a mesmu tempu inaugurasaun Sede do Suku ne'e representa Obra 2 seluk nebe'e mentiona. Iha Ambitu inaugurasaun ne'e, DGDR do MAE Esklarese ba komunidade sira iha ninia diskursu hodi hateten: "hau simu despacho husi Sua Exelencia Ministru da Administração Estatal hodi hato'o pontus importante balun iha Ambitu inaugurasaun ida ne'e, premeiru Exelencia Ministru hato'o ninia parabens ba Xefe do Suku Bibileo no Komunidade sira hotu iha loron spesial ida ne'e dia 23-03-2023, ita inaugura projeitu 3 iha Suku Bibileo. Ministru mos fo parabens ba imi hotu, liu-liu ba Ekipa Jestaun Suku sira ba kontribuisaun no esforço tomak durante ne'e hodi apoiu PNDS. Ministru Estatal hanesan ema tekniku ida, hare ba prekupasaun Xefe do Suku sira kona ba kondisaun Sede do Suku hotu nebe'e ladun diak então Ministru orienta atraves de PNDS kria tan sub programa ida ho naran Rehabilitasaun Sede do Suku ka RSS hanesan parte ida atu kria kondisoens ba Xefe do Suku sira hodi halo atendementu ba populasaun sira ho diak liu tan. Sekretaria Ezekutiva ST-PNDS Nasional iha biban intervensaun hato'o kona ba susesu husi programa VIII Governu Konstitusional nebe'e realisa liu husi MAE atraves ST-PNDS inklui alokasaun orsamentu ba programa hirak ne'e. koalia kona ba aloksaun orsammentu ba implementasaun atividade PNDS, Superior masimu ST-PNDS aproveita biban ne'e hodi klarifika ba komunidade sira kona ba alokasaun orsamentu ba implementasaun programa Uma Naroman ba Povu. "iha biban ida ne'e hau mos hakarak klarifika ba ita bo'ot sira hotu katak alokasaun Orsamentu ba programa Uma Naroman ba Povu ne'e mai husi Orsamentu Geral do Estadu (OGE) la'os apoiu husi Governu Australia tuir informasaun falsa nebe'e fo sai. então husu ba ita hotu atu labele naran ba fiar ema nebe'e mak lori ka fahe informasaun ida que sira rasik la hatene lolos". tenik Sra. Claudinha. Superior masimu ST-PNDS Nasional antes remata ninia diskursu, hato'o mos parabens ba Xefe do Suku Bibileo no komunidade tomak ba susesu husi obra 3 nebe'e konklui no inaugura ona ohin loron. parabens spesialmente Sra. Claudinha hato'o ba Ekipa Jestaun Suku nebe'e nudar ekipa PNDS ida nebe'e mais que ki'ik liu iha estrutura tomak ST-PNDS maibe sira mak nudar heroi foun ba dezenvolvimento iha Suku hotu-hotu iha teretorio Timor Leste. Xefe do Suku Bibileo, Sra. Maria Odete dos Anjos Amaral lori komunidade nia naran no fatin hato'o agradesemento bo'ot ba VIII Governu Konstitusional nebe'e liu husi MAE no ST-PNDS bele implementa ona no konklui Obra 3 iha ninia Suku. Ho esperansa bo'ot lideransa komunitaria ne'e hateten iha futuru mai sei bele iha tan obra seluk atraves PNDS implementa iha ninia Suku tuir prioridades nebe'e husi Komunidade hato'o ba Governu.
Iha Ambitu inaugurasaun Sra. Claudinha ofisialmente entrega Savi odamatan portão moru Postu Saúde Bibileo ba Xefe do Saude nudar simbolikamente inaugura ona Obra refere.
Relevante Bilder
Relevante Artikel
BibileoBibileo ist ein osttimoresischer Suco im Verwaltungsamt Viqueque. .. weiterlesen