2022-11-07 Fatumasi
S.E. Administrador Munisípiu Liquiçá ofisialmente halo abertura ba Semináriu, iha Eroba-Fatumasse, Bazartete. Seminariu organiza husi Sentru Joventude Liquiçá no Unidade Servisu SEJD - PA Bazartete, ho objetivu atu selebra loron nasional 12 Novembru ba dala-31. Orador ba Semináriu ne'e General Reformadu LERE ANAN TIMUR. Iha biban ne'e S.E. Administrador Munisípiu husu ba joventude Arte Marsial sira atu banati tuir joventude sira ne'ebé fó sira nia vida iha loron 12 fulan Novembru tinan 1991, tanba sira nia sakrifisiu ne'ebé mak sira halo hatudu ba mundu nia matan, katak Timor oan hakarak ukun rasik an. Nune'e iha era ukun an ida ne'e, joventude presiza buka hatene loron istoriku sira ho nia prosesu tomak, hahú 1975 to'o loron 30 fulan Agostu tinan 1999 no to'o mai loron ne'ebé ita restaura ita nia independensia loron 20 fulan maiu tinan 2002. Atu tau iha hanoin hodi kontribui ba dezenvolvimentu no presiza kria unidade hodi fó liman ba malu, kahe kabás ba malu atu lori Timor-Leste ba oin.
Liq.07/11/2022Relevante Bilder
Relevante Artikel
FatumasiFatumasi ist ein osttimoresischer Suco im Verwaltungsamt Bazartete. .. weiterlesen