2022-08-20 UN soldiers from East Timor

Iha ámbitu komemorasaun ne'e Komandu F-FDTL halo promosaun diviza ba membru na'in sia, Promosaun diviza ne’e bazeia ba despaixu númeru 16/CEMGFA/2022 husi Xefe Estadu Maior F-FDTL, Tenente Jenerál Domingos Raul Falur Rate Laek, neebé tuir dekretu lei númeru 33/2022, 02 Setembru kona-ba estatutu militár artigu 71 no 76. Komandu F-FDTL promove diviza husi postu Tenente Koronél ba postu koronél mak Tenente Koronél Celestino Pinto "Wairia" Dae'leba, Tenente Koronél Benedito Dias Quintas "Punu-Fanu", no kapitaun Fragata, Adão Brito "Zeky", postu maijor promovidu ba Tenente Koronél na'in ida mak Major Laurentino Gusmão "Mau-Ular" , enkuantu postu Primeiru Tenente promovidu ba Tanente Duarte Borges Loe. Nune’e, promosaun diuturnidade, husi postu Alferis promovidu ba postu Tenente mak Alferis Francisco da Costa, postu primeiru Sarjentu promovidu ba postu sarjentu Mor makGuilhermino da Costa Lake. Liu-husi diskursu Prezidente Repúblika, Dr. José Ramos Horta, hatete, papel forsa nian iha tempu pás no tempu funu, haree ba komportamentu, idak-idak nu'udar ema, sivil ou militár sempre tulun malu. Buat ida liafuan no sentimentu ruma, ida ne’e ita iha forsa atu kontribui hametin dame iha ita nia rai, rejiaun nonmundu, iha ne'ebé de'it misaun forsa armada nian lolos mak defende konstituisaun rai ne'e ninian, defende ba instituisaun demokrátiku tuir konstituisaun tuir orgaun eleitu la tuir partidu no la tuir ema individu. Tuir Prezidente Repúblika nia haree, forsa armada halo dadaun ona misaun simples hodi apoia Governu no Povu, liu-liu atividade sosiál. Partisipa iha serimónia ne'e mak, Prezidente Repúblika José Manuel Ramos Horta, Primeiru Ministru Taur Matan Ruak, líder orgaun soberania Há’at, Chefe Estadu-Maióar Generál FALINTIL Forsa Defeza Timor Leste (F-FDTL) Tenente Generál Domingos Raul “ Falur Rate Laek” nudar comandante em chefi das FALINTIL. Xefe Estadu Maiór Jenerál Forsa Armada Portugál Almirante António Silva Ribeiro. Panglima TNI Jenerál Andika Parkasa. Xefe Estadu Maiór Jenerál Forsa Armada husi Commonwealth Australia Angus Compbell. Vice Chefe Estadu Maiór Forsa Armadas Majór General Calisto da Costa “Coliati” xefe Estadu Maiór Komodoru Donaciano Costa Gomes “ Pedro Klamar Fuik” Brigadeiro General João Miranda “Aluk Descartes” Brigadeiro General Americo Ximenes “Sabika Besi Kulit” Brigadeiro General Cornelio Ximenes “ Maunana”inklui ofisial sub alternu sira, inklui membros Governu no diplomatiku sira.