2022-07-21 Eli Dias, CdS Liurai (Aileu)

Autor/Urheber:

JB, Centro Planeamento Integrado iha Ministériu Planu no Ordenamentu (CPI-MPO)

Shortlink:

https://dewiki.de/b/32031a

Quelle:

Wikimedia Commons

Größe:

443 x 595 Pixel (109162 Bytes)

Beschreibung:

KONSULTASAUN PÚBLIKU IHA AILEU: REPREZENTANTE POVU HUSU ATU TRANSFORMA AGRIKULTURA BA FONTE RENDIMENTU NASIONÁL

Aileu, 21 Jullu 2022, Ekipa téknika husi Centro Planeamentu Integradu (CPI), Ministériu Planu no Ordenamentu (MPO) no Ajénsia Nasionál Planeamentu Monitorizasaun no Avaliasaun (ANAPMA), husi Gabinete Primeiru-Ministru iha Quinta-Feira (21/07/2022) halo konsultasaun Públiku iha Salaun Timor Klaran, munisípiu Aileu. Konsultasaun públiku ne’e hala’o iha ambitu Reajustamentu Planu Estratéjiku Dezenvolvimentu (PED 2011-2030). Loron dahuluk Konsultasaun Públiku iha Aileu, halo ho Administradór Munisípiu Aileu, Administradór husi postu Aileu Vila, Likidoe, Remexiu no Laulara, Líder Komunitaria sira husi suku 31 (Xefe Suku ho Delegadu/a), no Diretór/a Ajénsia munisipais sira. Durante sesaun reflesaun reprezentante povu husi munisípiu Aileu, João dos Santos, Diretur Agrikultura munisípiu Aileu, husu atu investe maka’as iha setor agrikultura, nune’e iha longu prazu agrikultura bele sai fonte rendimentu nasionál hodi troka rendimentu husi petrolíferu. Sekunda ba ideia ne’e, Marcos dos Santos Administradór Postu Aileu Villa, husu atu kria polítika ida hodi foti provizoriu rai abandonadu sira hodi halo produsaun. Tuir Marcos rai produtivu sira husi komunidade ne’ebé abandonadu, governu bele kria mekanizmu ida foti provizoriu ka fó ba setór privadu ne’ebé iha kapital hodi dezenvolve. Iha sorin seluk lider komunitária ne’e mos husu atu governu rekruta foinsa’e sira, fó ba sira salariu hodi bele halo produsaun iha Kosta Súl. Ida ne’e bele tulun hasa’e produsaun agrikola no fó servisu ba joven dezempregu. Liga ba setor agrikultura, Gabriel Mendonça Xefe Suku husi Seloi Kraik, husu atu iha formasaun kontinua ba agrikultór sira. Xefe Suku ne’e mos husu atu kria fundus ba agrikultura atu nune’e komunidade agrikultór sira bele asesu no hasa’e sira nia produsaun. Maibé atu atinji dezenvolvimentu setor agrikultura reprezentánte povu husi Aileu, husu atu mellora infraestrutura bázika sira hanesan irigasaun no estrada hodi fasilita agrikultór sira nia produtu ba merkadu. Rona tiha hanoin sira husi reprezentante povu husi munisípiu Aileu, Vise-Primeiru Ministru no Ministru Planu no Ordenamentu (MPO) Eng. José Maria dos Reis fó enfaze ba importánsia husi planeamentu ida estratéjika integradu. Ho de’it planu ida integradu maka ita bele defini ho lolós saida maka ita bele halo iha tinan lima nia laran no saida maka ita bele halo iha tinan 20 mai, saida maka ita bele halo uluk no saida maka ita bele halo tuir. Allende Planeamentu ida integradu, Vise Primeiru-Ministru mos salienta kona ba Planu Ordenamentu Nasionál no Planu Ordenamentu munsipál. Ho de’it planu ordenamentu maka ita bele defini karateristika potensiál rai idaidak nian. VIII Governu Konstitusionál, liu husi Ministériu Planu no Ordenamentu, iha responsabilidade rua: ida mak planeamentu estratéjiku integradu no ida fali maka ordenamentu territoriál, ne’ebé produz dokumentu estratéjiku rua ne’ebé interligadu no interdependente ba dezenvolvimentu nasaun. Relasiona ho Ordenamentu Territoriál, Ministeriu Planu no Ordenamentu hala’o hela prosesu elaborasaun Planu Nasionál Ordenamentu Teritoriál Timor-Leste (PNOT-TL) nian, núdar instrumentu ne’ebé estabelese organizasaun ba dezenvolvimentu territoriál nasionál, no diretrizes ba koordenasaun husi medida ka polítika sira ne’ebé implika utilizasaun espasu ka rai, hanesan: planu setoriál, ne’ebé sei integra iha PED reajustadu, no planu Munisipál. Alende PNOT, governu liu-husi MPO mos lansa ona prosesu dezenvolvimentu Planu Munisipal Ordenamentu Territoriu ba Munisipiu sanulu resin rua (RAEOA iha ona), núdar instrumentu ne’ebé sei defini estratejia ba dezenvolvimentu Munisipál, no mos sei estabelese modelu ordenamentu territóriu ba Munisípiu ida-idak, inklui regra sira ba utilizasaun solo/rai nian, ho objetivu atu promove dezenvolvimentu aseleradu no sustentável husi kada Munisípiu, hodi dinamiza atividade ekonómika no mellora kualidade moris populasaun nian. Relasiona ho planeamentu estratejiku integradu, bazeia ba desizaun VIII Governu, mak MPO halao hela prosesu Reajustamento ba Plano Estratejiku Dezenvolvimento 2011-2030 ne’ebe governu lansa iha 2011 nudar matadalan ida ne’ebe orienta ita nia prosesu dezenvolvimentu husi 2011 ba to’0 2030.

REMATA

Lizenz:

Public domain

Credit:

Reajustamentu PED 2011-2030

Bild teilen: