2021-09-27 Aldeia Webaba, Raimea
Covalima - Ministériu Agríkultura e Peskas (MAP) liu husi Dirasaun Nasional Estensaun Agrikola (DNEA), Departementu Formasaun e Kapasitasaun Estensaun Agrikola hala’o Eskola kampu agrikultór hodi halo lansamentu kuda hare tuir sistema Pratika Agríkultura diak (PAD) uza Adubus Organiku Nasa. Objetivu eskola kampo agríkultór ne’e atu sira bele aprende hamutuk oinsa kuda hare ho sistema PAD utiliza adubus Poc Nasa tuir ninia lalaok ne’ebe iha, hateten Xefe Departementu Formasaun no Kapasitasaun Estensaun Agrikola, Rui Pereira hafoin remata lansamentu kuda hare iha loron Sexta (24/09), iha suku Raimea, Aldeia Oebaba SP II Posto Administrativu Zumalai, Munisípiu Covalima. Nia hatutan, atividade eskola kampo ne’e atu hanorin agrikultór sira ne’ebe envolve iha grupo atu bele aprende hamutuk hahu husi preparasaun rai, selesaun fini, viveirus, kuda hare, aplika Adubus Poc Nasa tuir ninia etapa hodi nune’e sira bele komprende bainhira sira kuda hare. “Primeiru ita mai halo identifikasaun fatin no sosializasaun ba grupo agrikultór sira, Etapa segundo ita fo treinamentu ba agrikultór sira oinsa utiliza adubus organiku Poc Nasa, atividade ida agora ne’ e tama ona ba etapa terseiru (3). Iha etapa terseiru ne’e konvida mos husi Dirasaun Nasional Peskiza Estatistika (DNPE), Departementu Solo e Nutrisaun das Plantas, atu bele fo espikasaun detallu liu ba agrikultór sira kona ba Sistema Pratika Agrikultura Diak.” Esplika Rui Nia mos husu ba agrikultór sira ne’ebe la envolve iha grupo, bele aprende tutan fali husi sira ne’ebe mak implementa ona aktividade ida ne’e, espera katak to’o tempo ida agrikultór sira hotu bele tuir ona rekomendasaun ne’ebe MAP rekomenda ona. Iha fatin hanesan Xefe Departamentu Solo e Nutrisaun das Plantas, Celestino Luis Moreira hateten katak, programa ida ne’e diak tebes ba agrikultór sira hodi hare kona-ba rai, bele hatene oinsa uza adubus Nasa no bele hatene kuda hare tuir sistema pratika agríkultura diak. Nune’e mos Kordenador Estensionista Posto Administrativo Zumalai David da Cruz haktuir katak, atividade ne’e hala’o iha fulan Setembru nia laran, grupo sira hahu preparasaun rai, selesaun fini, oinsa aplika adubus organika Poc Nasa no kapasitasaun ba grupo agrikultor sira no ikus liu maka preparasaun fali ba eskola kampu oinsa kuda hare tuir sistema prartika agrikultura diak (PAD). “Atividade eskola kampo ida ne’e importante tebes ba ita nia grupo agrikultor sira liu-liu ba grupo ne’ebe mak aplika ona adubus Poc Nasa. Hakarak rekomenda nafatin ba iha Departementu Formasaun no Kapasitasaun Estensaun Agrikola, atu kapasita nafatin ita nia agrikultor atu bele komprende diak liu tan saida mak adubus Poc Nasa no PAD.” Tenik David Nia akresenta, atividade tuir mai sei kontinua nafatin halo aproximasaun ba grupo agrikultór sira atu nune’e aktividade ne’e bele lao ba oin nafatin to’o atinzi mehi ne’ebe maka iha. Benefisiariu ne’ebe involve iha eskola kampo ne’e hamutuk 75 no tuir planu atu estebelese iha hektare rua (2) maibe tanba lutu diak nune’e implemeta deit iha hektare ida (1). Entretantu Agrikultór Anibal Braganca hato’o nia sentimentu kontente ho programa eskola kampu ne’e tanba lori programa foun ba sira atu hatene oinsa preparasuan rai, hoban fini ho adubus harmonik no oinsa halo viveirus. Nia mos husu atu kontinua nafatin atividade eskola kampo ne’e, atu nune’e bele aumenta liu tan sira nia kapasidade iha kuda hare nian. Hakarak rekomenda ba parte kompetente liu-liu ba MAP oinsa atu hare mota ne’ebe sobu hotu ami nia plantas no natar lubuk ida mak oras ne’e labele utiliza nune’e bele normaliza mota ne’e bele lao tuir nia dalan, karik agora mak la normaliza tempu udan tun natar sira ne’e mota sei sobu hotu.
Atividade Eskola kampu ne’e hetan partisipasaun masimu husi grupo agrikultór, estensionista, tekniku implementador Departementu formasaun no kapasitasaun estensaun agrikola no Diretor nasional estensaun agrikola, Diretor servisu agrikultura munisípiu Covalima ho nia Staff tomak. (Reno)
Relevante Bilder
Relevante Artikel
RaimeaRaimea ist ein osttimoresischer Suco im Verwaltungsamt Zumalai. Der Name bedeutet übersetzt „Lehm“. .. weiterlesen