2021-07-04 Assi, Haupu 2
Haupu, Letefoho, Ermera 3 jullu 2021 Prezidénsia Repúblika apoiu sumentu saka-40 no mangeira hodi halo kruz boot iha kapela Assi aldeia Assi, Suku Haupu Postu Administrativu Letefoho Munusípiu Ermera. Kapela refere pertense ba iha komunidade aldeia Assi, Hatuhou no Manukatileten. Serimónia entrega ekipamentu hirak ne’e, dirijé husi Chefe Casa Civil Prezidénsia Repúblika Francisco Maria de Vasconcelos no akompanha husi Ministru Administrasaun Estatal Miguel do Carvalho no autoridade Ermera. Antes entrega material, Chefe Casa Civil tatoli uluk mensajen, Prezidente Repúblika Francisco Guterres Lú Olo nian hodi hatutan ba komunidade sira katak, Prezidente Repúblika nia domin no hakoak-boot ba komunidade sira hotu. Tanba Prezidente Repúblika Lú Olo nia komprimisu katak “Prezidente ba Povu Tomak” tanba ne’e uitoan ka barak Xefe Estadu tau matan ba povu, tanba kada loron iha semana-semana, Xefe Estado koalia ho governu mak Primeiru Ministru hodi haree povu nia dezenvolvementu. “Maun-alin sira, buat kiikoan liu hanesan liman-kukun dert mak oferese mai iha ne’e (sarani kapela Assi) sumenti uitoan no mangeira tulun ita-boot sira, ita-boot sira mak tenke hakaas-an liu. Ami fó apoiu uitoan para ita-boot sira serbisu maka’as liután.” Chefe Casa Civil Francisco Maria de Vasconcelos, hatete. Tanba ne’e, ba inan-aman sira, liuliu agrikultór, hotu-hotu esforsu hodi hadi’a estadu liu husi kontribuisaun ida-idak hadi’ak uluk nia rain. maibé tenke hamutuk hadi’a rai Timor-Leste hahú husi hadi’a uluk ita nia-an. Chefe Casa Civil agradese ba resesaun husi komunidade, tanba nakonu ho domin maski iha sofremente oin-oin, maibé ida ne’e mak hatudu timoroan nia sentimentu ba malu ho dignidade. Komunidade agradese ba vizita no apoiu uitoan ne’ebé mak oferese ona ba sira. Iha oportunidade ne’e sira hato’o mos kondisaun ne’ebé sira hasoru durante ukun-an. Hanesan: estrada, eletrisidade, bee mos ne’ebé mak too ohin loron komunidade aldeia Assi, Hatuhou no Manukatileten hasoru. Husi tempu luta ba ukun rasik-an fatin hirak ne’e, nuudar baze hodi hahú rezisténsia hasoru okupasaun ilegais, maibé sofrementu ne’e, kontinua hasors too ohin loron. Komunidade sıra agradese tebes, durante ukun seidauk iha ukun na’in ida mak vizita, maibé iha tinan 2021, nu’udar tempu osan-mean ba sira, hodi simu Chefe Casa Civil Prezidénsia Repúblika no Ministru Administrasaun Estatal. Ho konsientemente Ministru Administrasaun Estatal Miguel de Carvalho, reafirma katak sofrementu ne’ebé mak iha, kuaze iha hanesan iha teritoriu Timor-Leste. Maske VIII governu iha planu ne’ebé diak maibé iha impedementu oin-oin ne’ebé Timor-Leste hasoru hanesan pandemia mundiál/ Covid-19 ne’ebé sei kontinua sai ameasa boot, no dezastre naturais ne’ebé estrada dezenvolvementu barak. maibé ministru ne’e justifika katak, VIII governu sei esforsu hodi hadi’ak nafatin povu nia sofrementu ba estrada, eletrisidade, bee-mos. Tanba area hirak ne’e, nuudar baze hodi fasilita hadi’ak komunidade nia moris iha area sosiál no ekonomia.
Maske Prezidénsia Repúblika la’ós orgaun ezekutivu, maibé iha vontade hodi solidariza apoiu tuir kbiit no kapasidade, hodi hakmaan komunidade sira.
Relevante Bilder
Relevante Artikel
HaupuHaupu ist ein osttimoresischer Suco im Verwaltungsamt Letefoho. Im Suco liegt Letefoho, die Hauptstadt des Verwaltungsamts. .. weiterlesen