2021-06-26 Ueboro, Haturalan 2

Autor/Urheber:

Ministerio do Turismo, Comércio e Indústria

Shortlink:

https://dewiki.de/b/28a96e

Quelle:

Wikimedia Commons

Größe:

960 x 720 Pixel (251713 Bytes)

Beschreibung:

SEREMONIA SAU HARE HANESAN KULTURA TIMOR NIAN NE'EBÉ TENKE PREZERVA NO PROMOVE

Sau hare hanesan atividade kulturál ida ne'ebé uma lisan Geong Uma Waki sempre halo kada tinan hodi agradese ba Beiala sira ba rejultadu hare tinan ida nian. Bazeia ba proposta no konvite husi uma lisan Geong Uma Waki ba Ministériu, maka iha loron Sabado 26 Juñu 2021; Ministru Turizmu, Komérsiu no Indústria, Dr. José Lucas do Carmo da Silva, no Vise Ministra Turizmu Komunitáriu no Kulturál, Dra. Inácia da Conceição Teixeira, hamutuk ho komitiva partisipa iha seremonia kulturál sau hare, iha uma lisan Geong Uma Waki, iha Aldeia Bebora, Suco Hatu-Ralan, Postu Administrativu Laleia, Munisipiu Manatuto. "Previlejiu bo'ot ba Ministru ho komitiva hodi partisipa iha seremonia ne'e, VIII Governu Konstitusionál fo biban ba MTCI liu husi Vise Ministra Turizmu Komunitáriu no Kulturál, hanesan papél Ministériu nian hodi prezerva no promove turizmu kulturál tanba kultura maka orijen Timor nian, no kultura ne'e ita nian, valores bo'ot husi kultura ne'e maka unidade tanba iha komemorasaun sempre halibur jerasaun sira hotu, kultura hanesan riku ne'ebé maka ita iha no riku ne'e maka halo diferente entre ita ho Nasaun seluk, ho nunee tenke prezerva no promove hodi sai hanesan turizmu kulturál ne'ebé bele oferese ba turista sira", hatete Ministru Dr. José Lucas iha liafuan badak antes sau hare. Ministru no Vise Ministra inklui komitiva akompañia prosesu tradisaun sau hare husi hahu to'o remata. Wainhira hala'o hela seremonia refere, Sr. Boy hanesan lia nain iha uma lisan ne'e esplika; "Seremonia sau hare ne'e hanesan agradesementu ba beiala sira ba rejultadu hare tinan ne'e nian, no aleinde ne'e mós ho seremonia ne'e nafatin husu matak malirin ba beiala sira hodi nafatin akompañia no fó rejutadu hare iha tinan oin nian". Ikus husi seremonia kulturál ne'e, Ministru no Vise Ministra hamutuk ho komitiva no komunidade sira han aihan ne'ebé maka tein iha uma lisan iha prosesu sau hare nian, hafoin fila hikas mai Dili iha lorokraik.

Mídia MTCI

Lizenz:

Public domain

Credit:

Ministerio do Turismo, Comércio e Indústria

Bild teilen: