2021-06-21 Aldeia Webaba, Raimea
Zumalai - Ministériu Agríkultura no Peskas (MAP) liu hosi Diresaun Nasionál Agríkultura e Hortikultura, hamutuk ho Korpu Diplomatiku sira no autoridade lokál iha Covalima, kolleta hare Nakroma hektares 80 ne’ebé mak utiliza adubus Organiku Poc Nasa, Super Nasa no Hormonik iha Demo-area ba Primeira epoka iha area Oebaba Suku Raimea Postu Administrativu Zumalai Munisípiu Covalima. Iha loron sesta,18 Juñu 2021. Iha intervista Ministru MAP, Pedro dos Reis hateten katak, kolleta hare ba natar hektares 80 uza adubus POC Nasa, Super Nasa no Hormonik iha Demo-area ba primeira epoka ho totál 80 hektares, ida ne’e sai ezemplu para neneik ba neneik hanorin ita nia inan aman agrikultór sira tenke hatoman an hodi utiliza adubus POC Nasa, Super Nasa no Hormonik iha Demo-area ba futuru. “MAP ho nia Diresaun tomak ami nia servisu halo aproximasaun ho diresaun servisu Agrikultura munisipiu sira oinsa para atu hasa’e produsaun, “komunika malu para kuda rai atu nune’e ita nia osan ne’ebe governu preve la bele sai ba rai liur maibe fila fali mai ita.” Governante ne’e hatutan atu hasa’e produsaun para hakarak atinje seguransa aihan iha rai laran atu resolve presija infraestrutura ou fasilidade sasan sira tenke kompleta. Iha fatin hanesan, Embaixadór Brazil iha Timor Leste Mauricio de Assis hateten, ha’u sente ondradu teb-tebes wainhira hetan konvite hosi Ministru MAP, atu mai hakbesik liu iha area Agrikultura no atu koñese liu iha area Agrikultura ninian. “Uluk Brazil inporta hahan mak barak liu maibe ikus ne’e Brazil sai hanesan esportadór ida ne’ebé boot liu-liu ba Kafé, fore keli, nomós ba produtu agrikultóres seluk nian nomós hanesan Maior esportadór ba iha Nasaun sira seluk” Tenik Embaixador Brazil Mauricio de Assis Iha sorin seluk Diretór Agrikultura Munisípiu Covalima Zefrino Guterres Amaral informa katak, ohin ita halo kolleta hare ne’ebé maka implementa uza adubus POC Nasa, Super Nasa no Hormonik iha area irigasaun Kay Rala Xanana Gusmão, iha tinan ida ne’e ita implementa luan area hektares 80 iha tinan kotuk implementa hektares 40 ba tinan ida ne’e ita kolleta hare hektare 80, kolleta hotu ona. Diretor Zefrino ne’e haktuir, iha situasaun klima iha tinan ida ne’e oin seluk oituan, Agrikultór sira hadau malu de’it ho klima entaun oportunidade ne’ebé mak iha atu kolleta no kolleta dadaun e programa demo area ne’e maka ita sei iha hela ofisializa kuaze natar halo kolleta hotu ona. “tinan ida ne’e agora dadaun iha area kultivu ita iha area irigasaun 1624 hektares ita bele konta katak atinze ona 71% husi kobre area hamutuk 2.272 ne’ebe mak kapasidade irigasaun fornese bee ba natar e mudansa ne’e neneik maibe esforsu inan aman agrikultór hamutuk ho tekniku sira iha inisiativa hakarak duni loke natar”. Tenik Diretor Zefrino Zefrino haktuir, totál area kultivu iha Munisípiu Covalima natar ba tinan ida ne’e hamutuk 2772,38 hektares, iha Postu Administrativu Zumalai iha 2000 mil hektares progresu ne’ebé mak makaas ami mós infrenta difikuldade ne’ebé maka ita iha esperansa ne’ebé boot atu hetan rezultadu diak. maibé dalaruma mota mai sobu tia balu, hanesan hodi banihira akontese iha fulan Marsu ita kuaze iha ne’e 38 hektares maka estraga tia no natar balu rai henek sei butuk hela iha laran.
Serimonia Kolleta hare Jerál ne'e hetan partisipasaun maximu hosi Ministru Agrikultura no Peskas hamutuk ho korpu diplomatiku sira no autoridade lokál iha Covalima, Embaixador Brazil iha Timor-Leste, Embaixadór Japaun Embaixadór Indonesia iha Timor-Leste, Director Country WFP, Diretora Jerál Agrikultura, Administradór Munisipiu, Administrador Postu Zumalai, Komandante Jeral PNTL Munisipiu ho Ekipa, funcionário MAP Munisipiu Covalima no grupu Agrikultores iha area oebaba suku Raimea no hetan seguransa maximu husi PNTL Munisipiu no Postu Administrativu Zumalai. (Reno)
Relevante Bilder
Relevante Artikel
RaimeaRaimea ist ein osttimoresischer Suco im Verwaltungsamt Zumalai. Der Name bedeutet übersetzt „Lehm“. .. weiterlesen