2021-02-11 Centro Formaçâo Rairobo 7
RAIROBO, 11 janeiru 2021 (SRP) – Atu haforsa setór seguransa liliu iha PNTL nia laran, Vise-Ministru Interior (VMI), Antonio Armindo kontinua halo negosiasaun (loby) ho Polísia Federál Austrália, liu husi Programa Dezenvolvimentu Polísia Timor-Leste (TLPDP-sigla Inglés), hodi fó apoiu ba konstrusaun fasilidade foun ba Sentru Treinamentu 1o Sargento Aquelis da Silva Rairobo, ne’ebe lokaliza iha Postu administrativu Atabae, Munisipiu Bobonaro. Vizita ne’e, Vise-Ministru Interior (VMI), Antonio Armindo hetan akompañamentu husi Komandante Unidade Espesial Polisia (UEP), Superintendente Xefi Polisia Orlando Gomes, Komandante Sentru Formasaun Polisia (CFP-sigla portuges) Superintendente Xefe Polisia Arquimino Ramos hamutuk ho reprezentante TLPDP Peter no Mark, halo kedas vizita ba Sentru Treinamentu 1o Sargento Aquelis da Silva-Rairobo hodi hare direitamente kondisaun toba fatin, aihan no material ba treinamentu ninian. Hafoin vizita sentru treinamentu Rairobo Vise-Ministru Antonio Armindo, hateten sei servisu hamutuk ho TLPDP atu bele apoiu sentru formasaun ne’e. “TLPDP hanesan parseria permanente PNTL ne’ebe durante ne’e apoiu maka’as ba PNTL hadi’ak iha parte infraestrutura no rekursu umanu nian”, dehan VMI iha Rairobo. Governante ne’e esplika, nia parte sei nafatin servisu hamutuk ho TLPDP atu hare oinsa bele apoiu ruma hodi hadia sentru formasaun ida ne’e. “Ita hatene katak, ajente rekrutadu foun sira antes sai PNTL sira sei mai tuir instrusaun no formasaun baziku ne’ebe rigorozu ne’ebe foka liu ba fiziku, mentalidade no disiplina iha sentru formasaun Rairobo, atu nune’e sira bele koñese didiak servisu polisia nian, molok sira sai polisia ida,” afirma VMI. Nia iha esperansa katak, ho infraestrutura ne’ebe kompletu ho fasilidade sei bele muda mentalidade sivil ninian mai iha mentalidade polisia ninian ho disiplina ne’ebe as ho espiritu de corpo ne’ebe forte.
Vizita ida ne’e simu direta husi Komandante Compania Operasaun Espesial (COE-sigla portuges), Inspetor Xefi Polisia Apolinario da Purificação hamutuk ho komandante postu UPM Atabae, primeiru sarjentu Mario Leitão no-mos komandante skuadra PNTL Atabae, Inspetor Xefi Armando Pauf
Relevante Bilder
Relevante Artikel
RairoboRairobo ist ein osttimoresischer Suco im Verwaltungsamt Atabae. .. weiterlesen