2018-02-27 Aldeia Raepusa, Haupu 1
Loron, Segunda, 26 Febreiru 2018, Ministru Estadu no Ministru Agrikultura no Peskas (ME-MAP), Estanislau Aleixo da Silva, ho nia Vise Ministru Agrikultura no Peskas (MAP), Deolindo da Silva ofisialmente lansa kuda kafé hektares 116 iha Aldeia Rai Fusan, Suku Haufu, Postu Atministrativu Letefoho, Munisipiu Ermera. Serimonia lansamentu nee, partisipa husi parseiru sira hanesan Cooperativa Café Timor (CCT), Autoridade lokal Munissipiu Ermera no mos komunidade agrikultura café nian husi Suku Goulolo, Eraulo no Docurai. Tuir Ministru, Estanislau Aleixo da Silva hatete katak durante ne’e nia fo preoridade atu hadia plantasaun kafé, tanba agora merkado internasional presiza kafe, needuni nia husu ba Agrikultor kafe iha Ermera atu hadia kualidade no hasae produsaun Kafe. “Hau fo parabens ba komunidade Agrikultor Suku Haufu hamutuk uma kain 42 ne’ebé iha komitmentu hodi kuda kafe ba rai mamuk ne’ebé uluk tempu portugues abandonadu, agora utiliza ba kuda kafe,” dehan Ministru Ministru informa tan katak, Ermera fatin ida potensial ba kuda kafe Arabika, needuni nia husu ba komunidade atu kuntinua kuda kafe ba fatin sira neebe agora sei mamuk, tanba kafe nee mak sei haburas ekonomia iha Timor Leste. Iha fatin hanesan, Diretor Jeral Floresta, Manuel Mendes hatete katak fatin ida ohin kuda kafe presiza atu koidadu, tanba produsaun ba viverus kafe nee mos osan, agora ida kuda nee mos osan, ne;eduni husu ba familia uma kain 42 atu koidadu kafe oan nee to boot no hatudu rezultadu neebe diak ba imi. “Ita kuda kafe nee tenke kontrola, tanba buat hot-hotu tenke osan, karik imi la koidadu nee ita lakon tempu saugate deit,” nia dehan.
Rai nee uluk kedas mamuk Xefe Suku Haufun, Eugebio Alcino Maia hatete mos katak, programa ne’ebe Ministeriu halo ba sira nee kapas tebes, maibe labele kuda deit iha suku Haufu nee, maibe tenke ba mos iha suku sira seluk iha Ermera, tanba agrikultor sira barak presiza.Alende ida ne’e nia husu ba iha ministeriu Agrikultura atu fo atensaun ba plantas kafe neebe sira kuda atu nunee sira nia komunidade bele hetan kualidade kafe neebe diak.
Relevante Bilder
Relevante Artikel
HaupuHaupu ist ein osttimoresischer Suco im Verwaltungsamt Letefoho. Im Suco liegt Letefoho, die Hauptstadt des Verwaltungsamts. .. weiterlesen