Dresdner Reformatorenbibel, Autograph Melanchthons

Gotts Kirch vnd wohnung die reyne lehr
des Euangelii mit glauben annemen, vnd
soltu gewislich wissen, das Gottes
vnwandelbarer will ist, das alle
menschen seinen Son den Herrn
Jhesum Christum erkennen vnd das
Euangelium horen, lernen vnd annemen,
vnd glidmassen seiner kirchen werden.
Vnd so du reyne lehr des euangelii lernest
vnd annimmest, bistu gewislich ein
glidmaß der rechten Kirchen Gottes.
Weiter soltu auch dise verheissung vnd
disen trost wissen, das die warhafftige
glidmas der Kirchen Gottes haben
vergebung der sund vnd sind gerecht
durch den Herrn christum, vnd sind
Gottes wohnung. Ehr will sie
gewislich mit ewiger gerechtigkeit vnd
ewigem leben begaben, vnd will sie auch
in disem Leben erhoren,
vnd yhnen alle angst lindern, Dis
grosse verheissung vnd disen
hohen trost sollen wir mit
warhaftigem glauben annemen
vnd durch dise wort vns
trosten, vnd zu friden sein
vnd diser gnaden vnd gaben
vnd hilfe gewislich warten.


                Philippi Melan
                manu scriptum