2023-04-03 Vila Vemasse 2
Baucau, 31/03/2023, Prezidente Komisaun Ezekutiva BTL, E.P, Eng. Carlos Peloi dos Reis, akompaña husi Jestór Infraestrutura, Engiñeiru no Investimentu, nune’e mos kordenadór BTL, E.P munisípiu Baucau hamutuk ho ekipa, hala’o monitorzasaun ba projetu melloramentu ba sistema fornesimentu bee moos iha Postu Administrativu Vemasse. Iha monitorizasaun ne’e, Prezidentwe K.E BTL, E.P, husu ba kompañia implementador ba projetu ne’e, kontinua servisu ho di’ak, nune’e projetu ida ne’e finaliza bele iha kualidade di’ak, hodi fornese bee ba komunidade sira. Prezidente K.E BTL, E.P orienta ba kompañia atu aselera prosesu servisu, nune’e mos kolabora ka komunika di’ak liu ho supervaizor BTL, E.P nian, ne’ebé halo akompañamentu ba projetu ida ne’e. Ekipa lidera husi Prezidente K.E BTL, E.P, molok tun ba terrenu enkontru uluk ho Administradór hodi ko’alia kona-bá projetu la’o ne’e, oinsa bele kopera malu, hodi prosesu ne’e labele hetan impedimentu ruma. Iha biban ne’e, Administradór agredese ba Prezidente BTL, E.P ho ekipa, tamba bele hasoru malu, ho prezensa ne’e Autoridade ne’e informa katak, parte autoridade sei kolabora nafatin hodi projetu ida ne’e bele la’o ho di’ak, hafoin remata enkontru Administradór no Xefe akompaña kedas ekipa ba hare mos projetu sira iha terrenu. Projetu melloramentu ba sistema bee moos ida ne’e, progresu fíziku dadaun ne’e atinji ona 26,5%, dadaun kompañia implementador kee hela rai hodi installa Pipa no mos konstrui Liner Tank. Obra ida ne’e, sei gasta ho orsamentu rihun atus tolu, tolu nulu resin hitu, atus ualu lima, ho sentavus ualu nulu resin ida ($ 337.805,81), sistema bee ne’e rasik remata sei benefisia ba uma kain atus lima (500) ho populasaun rihun tolu, kompostu husi mane 1800 no feto 1200.
( Média BTL, E.P ).
Relevante Bilder
Relevante Artikel
Vemasse (Fluss)Der Vemasse ist ein Fluss im Westen des osttimoresischen Gemeinde Baucau. Er durchfließt den Großteil des Verwaltungsamts Vemasse. .. weiterlesen
Vemasse (Verwaltungsamt)Vemasse ist ein osttimoresisches Verwaltungsamt in der Gemeinde Baucau. Verwaltungssitz ist Vemasse. Der Name „Vemasse“ leitet sich von „Wemasi“ ab, dem Galoli-Wort für „salziges Wasser“. Ein alter Name für die Region ist Ade. .. weiterlesen