2022-12-27 aldeia Buibata, suco Libagua
Informasaun Media SASCAS data 27 -12-2022: tersa feira semana ne’e Diretor Adjunto Subvensaun Públika Sr. Isaias Soares Guterres hamutuk ho Fundador ORSF Sr. Cornelio Gama”L7” hatur ona fatuk dahuluk ba konstruksaun kapela no Gruta ba Organizasaun Resistensia sagrada Familia iha Aldeia Bui-bata, Suku Libagua Postu Administrativu laga Munisipiu Baucau. Ba Jornalista sira Fundador ORSF Sr. Cornelio Gama L7 hatete katak, inisiativa hari kapela no Gruta ne’e, sai hanesan fatin Turistiku Resistensia nian, oinsa maka ema bele vizita no sai mos fatin ba ORSF atu bele halo sira nia sakrefisiu hodi relembra nafatin Pasadu. Alende Sr. L7 aumenta katak, fatin Libagua hanesan fatin historiku ba funu libertasaun nasaional, tamba husi fatin ne’e maka mosu Espiritu sagrada Familia hodi fo koragen ba Funu nain sira atu nafatin iha vontade luta ba ukun rasik an. Alende ne’e eis Komadante FALINTIL Sr. Cornelio Gama L7 komenta orsamentu ba konstruksaun Gruta no kapela ne’e mai husi SASCAS-PM. Iha fatin hanesan Diretor Adjunto Subvensaun Públika SASCAS-PM Sr. Isaias soares Guteres aumenta katak, SASCAS Transforma husi Gabinete Apoio Sosiedade Sivil ne’ebe maka antes ne’e tutela ba iha gabinete Primeiro Ministro, maibe iha 17 Novenbro 2021 liu husi Lei Nu .25 GACS tranforma ona ba SASCAS hodi jere nia orsamentu rasik atu tau matan ba iha Organizasaun Sosiedade Civil sira hotu. Alende Sr. Isaias soares Guteres aumenta Misaun SASCAS nian maka atu halao nia kna’ar hodi ezekuta Orsamentu Subvensaun Públika ne’ebѐ maka mai husi nai Primeiro Ministro no kada tinan aprova iha parlamentu Nasional. Maske nune’e Sr. Isaias soares Guteres aumenta objetivu husi Orsamentu Subvensaun Públika ne’e maka atu fo apoio ba Sosiedade Sivil sira maka hanesan Organizasaun Resistensia, veteranus, Grupu, ONG, Relijiozu hodi halao sira nia atividade no sai parseiru ba iha Governu hodi kontribui mos ba Dezenvolvimentu Nasaun nia. Remata
Informasaun Ofesial Media Komunikasaun.Relevante Bilder
Relevante Artikel
LibaguaLibagua ist ein osttimoresischer Suco im Verwaltungsamt Laga. .. weiterlesen