2022-10-24 Rut Krüger Giverin und José Ramos-Horta
Palásiu Prezidensiál Nicolau Lobato, 24 Outubru 2022 Prezidente Repúblika, José Ramos-Horta, Terça-Feira ne’e simu karta kredensiál husi Embaixadór Plenipotensiáriu hanesan, Tan Van Thong husi Vietnam, Thomas Loidl husi Austria no Ruth Kruger husi Norwegia. "Ohin ita iha Embaixadór tolu naun rezidente ne’ebé mai aprezenta sira-nia karta kredensiál ba Prezidente Repúblika: Vietnam, Austria no Norwegia. Sira-ne’e mak hasoru malu ho Xefe Estadu mai entrega sira-nia kredensiál," hatete Sekretáriu Jerál Ministériu Negósiu Estranjeiru no Kooperasaun, Francisco Cepeda. Embaixada husi nasaun tolu ne’e sediada iha Jakarta, maibé promete atu estabelese embaixada permanente iha Díli. Durante enkontru bilaterál, diplomata husi Veitnam manifesta sira-nia prontidaun atu apoiu Timor-Leste sai membru ASEAN, no ko’alia mós kona-ba apoiu kooperasaun iha área sira seluk. “Ohin Vietnam nian hatete ba Xefe Estadu katak, bainhira Timor-Leste tama ona ba ASEAN, Vietnam sei mai loke Embaixada permanente iha Timor-Leste. Hanesan mós, Norwega no Austria buka nafatin esforsu loron ruma sira mós mai loke sira-nia rezidénsia iha Timor-Leste,” argumenta Francisco Cepeda.
Austria ho Norwega mós promete apoia Timor-Leste nia dezenvolvimentu nasionál liuhusi programa sira Uniaun Europeia nian no seluk tan.Relevante Bilder
Relevante Artikel
Liste der norwegischen Botschafter in OsttimorDiese Liste führt die norwegischen Botschafter in Osttimor auf. .. weiterlesen