2022-09-04 FONGTIL
Informasaun SASCAS data 05 -09-2022 : segunda feira semana ne’e Diretor Ezecutivu SASCAS-PM Sr. Edvin D. Soares Noronha halao abertura ba treinamentu ida ne’ebe maka Organiza husi ONG FONGTIL ba representante ONG hamutuk lima. Iha seremonia ne’e Diretor Ezecutivu FONGTIL Sr.Valentin da Costa Pinto Hateten katak, formasaun ba planu estratejiku ida ne’e, akontese ba daruak ninian, tamba iha semana kotuk halao uluk ona treinamentu ba iha Regiaun rai klaran ninian. Sr.Valentin da Costa Pinto komenta liu tan katak, planu estratejiku ida ne’e importante tebes ba iha organizasaun ida-idak hodi bele justifika sira nia vizaun no mehi ho programa sira tuir metas ne’ebe maka kada organizasaun defini. Enkuanto Sr.Valentin da Costa Pinto komenta nia parte agradese tebes ba iha parte Governu liu husi SASCAS-PM ne’ebe maka sempre disponivel fornese fundus ba iha Organizasaun sosiadade sivil sira hodi organiza ida-ida nia atividade. Iha fatin hanesan Diretor Ezecutivu SASCAS-PM Sr. Edvin D. Soares Noronha hateten, Governu Intende katak sosiadade Civil hanesan parte determinante ba progresu konstruksaun estadu no Dezenvolvimentu Nasional nomos konsolidasaun Demokrasia iha Timor-Leste, no sai parseira Governu ho Organizasaun Sosiadade Sivil. Sr. Edvin D. Soares Noronha aumenta katak, atu faselita Organizasaun Sosiadade Civil sira ne’e ho diak liu tan, SASCAS maske foun, hahu ona hadia ninia sistema internal instituisaun nian hanesan halo rekrutamentu ba ninia funsionariu kuaze 25 ho kontratu Termu Certo hodi halao servisu importante sira iha SASCAS. Maske nune’e Sr. Edvin D. Soares Noronha hateten, hanesan parseiru ba Organizasaun Sosiadade Civil sira, iha inisiu 2022, SASCAS simu ona proposta ka kandidatu benifisiariu hamutuk 216, mai husi ONGs, Groupo Komunitaria, Organizasaun Rezistensia no Relgiosos. Sr. Edvin D. Soares Noronha hatutan husi kandidatu hirak ne’e proposta hamutuk 102 maka admitidu no organizasaun barak maka la admitidu tamba la priense rekejitus balun. Atu informa mos katak, ONGs ne’e partesipa iha treinamentu ne’e maka, Fundasaun Moris Foun, Assosiasaun makledo, Fundasaun Malaedoi, Assosiasaun ba Dame, no AHDRO-Bobonaro.* Remata
NEWS Ofesial Media SASCAS
Relevante Bilder
Relevante Artikel
Forum Organizasaun Naun Govermentál Timor-LesteDas Forum Organizasaun Naun Govermentál Timor-Leste ist die Dachorganisation der Nichtregierungsorganisationen (NGO) im südostasiatischen Land Osttimor. Es koordiniert die Arbeit von lokalen und internationalen Nichtregierungsorganisationen im Lande und versorgt diese mit Informationen. Das FONGTIL hat seinen Sitz in Dilis Stadtteil Rumbia in der Rua do Merkadu Municipal. .. weiterlesen