2022-08-27 Sede de Suco Afabubu 1
Sexta feira 24/08/2022, Sr. Leovigildo dos Santos Representa Ministru da Administrasaun Estatal Akompanha husi Secretaria Executiva ST-PNDS Nasional, Admininistrador Postu Administrativu Luro no Representante Veteranus Postu Administrativu Luro Marka presensa iha Suku Afabubo, Postu Administrativu Luro, Municipiu Láutem hodi Inagura Uma Kbi'it Laek Regular Faze dahuluk unidade tolu (3), no Inagura Obra Rehabilitasaun Sede do Suku Afabubo. Xefe do Suku Afabubo, Sr. Agustinho Dias Ramos iha ninia intervensaun hodi Komunidade Suku Afabubo hato'o Agradesementu ba VIII Governu Konstitusional no Parte Sekretariadu Tekniku PNDS Nasional, Ekipa PNDS Municipiu no Ekipa hotu nebe'e implementa ona programa UKL iha ninia Suku e mos Rehabilita ona Sede do Suku Afabubo. Secretaria Ezekutiva ST-PNDS Nasional, hato'o parabéns ba Komunidade Suku Afabubo liu-liu Benefisiariu no mos ba Lideransa Komunitaria sira ba Susesu Implementasaun Atividade UKL regular iha Suku Afabubo. Iha Biban ne'e Secretaria Ezekutiva mos informa ba partisipante Seremonia Inagurasaun katak Programa UKL Plus mos hahu implementa ona e UKL Faze daruak sei kontinua Implementa ho konstrui UKL Regular kada Suku unidade sia (9). Ikus husi Sra. Claudinha ninia Intervensaun, hato'o Agradesementu no Apresiasaun ba Ekipa Jestaun Suku, Ekipa Implementasaun Projeitu no Ekipa fasilitador Postu Luro nebe'e ho Esforsu tomak susesu ona konstrui Uma nebe'e dignu no seguru ba benefisiariu Sira. Representante Ministru da Administrasaun Estatal, iha ninia Diskursu hateten VIII Governu Konstitusional kria programa foka Liu ba Desenvolvimentu Humanu, ezemplu ida mak konstrui Uma nebe'e seguru no dignu ba ninia Povu sira nebe'e Kbi'it laek iha teretoriu Timor laran tomak. Sr. Leovigildo husu ba benefisiariu sira atu kuitadu obra ne'e ho Diak atu nune'e bele utilija to'o tempu naruk. Governante ne'e mos hato'o parabens e Agradesementu Klean ba Xefe do Suku Afabubo, Xefe Aldeia sira nebe'e apoiu e kolabora diak ho Parte hotu nebe'e implementa Atividade refere iha Suku Afabubo. Asesor legal MAE ne'e mos hatutan liafuan hodi fo Parabéns no Apresiasaun ba Ekipa Jestaun Suku, Ekipa Implementasaun Projeitu (EIP) no parte relevantes sira hotu inklui Komunidade ba serbisu tomak, apoiu no kolaborasaun hodi atinji duni Implementasaun Atividade UKL regular Faze dahuluk iha Suku Luro inklui Susesu Implementasaun obra Rehabilita Sede do Suku Afabubo.
Seremonia Inagurasaun ne'e partisipa mos husi Xefe Aldeia, Komandante Esquadra Postu Administrativu Luro, Parte Veteranus, Diretor Delegasaun PNDS Municipiu Láutem no Ekipa, Benefisiariu e familia e Komunidade Sira.
Relevante Bilder
Relevante Artikel
AfabubuAfabubu (Afabubo) ist ein osttimoresischer Suco im Verwaltungsamt Luro. .. weiterlesen