2022-03-16 Maliubu

Autor/Urheber:

Palácio das Cinzas

Shortlink:

https://dewiki.de/b/31fe04

Quelle:

Wikimedia Commons

Größe:

2048 x 1365 Pixel (895422 Bytes)

Beschreibung:

16 marsu 2022: Ministra Saúde dr. Odete Maria Freitas Belo ho ekipa kontinua hala'o atividade kampaña vasinasaun iha Suku Carabau no Suku Mali-Ubu, Postu Administrativu Bobonaru, Munisípiu Bobonaru.

Kampaña vasinasaun Covid-19 AstraZeneca doze dahuluk, doze daruak no Booster/Pfizer ba komunidade sira atu sa'e númeru vasina iha Munisípiu Bobonaru ne'ebé nia persentazen sei ki'ik. Ministra hatete "Uluk nana’in ha’u hakarak hato'o katak haree ba iha kondisaun atividade vasinasaun ne'ebé mak ita hala'o tiha ona, ami kontinua sura nafatin númeru ema ne'ebé mak seidauk simu vasina, simu vasina hanesan direitu ida ba ita-nian atu simu vasina, Munisípiu ne'ebé simu vasina ou halo atividade kampaña vasina ne'ebé mak di'ák liu mak Munisipiu Díli ho Viqueque ne'ebé mak sira atinji doze kompletu ne'e to'o 80%, ita espera katak Munisipiu sira seluk mos bele kobre atividade sira, bele simu vasina to'o 80%, ita-nia esperansa katak antes tama iha kampaña Eleisaun Prezidente ne'e ita tenki atinji 80% no felizmente ita la to'o, liu-liu iha Munisipiu Bobonaro ho Ermera ita kobre de'it 70%." "Prontu ami-nia prezensa iha ne'e, ho organizasaun lubuk ida, ho maluk parseiru sira ne'ebé mak durante ne'e apoiu Ministériu Saúde ita hotu-hotu hamutuk ho ita-boot sira-nia kontribuisaun tomak, ita espera katak bele lori ita-nia komunidade sira, bele mai simu sira-nia vasina, liu-liu ba sira ne'ebé mak idade 18 ba leten, i aumezmu tempu ita mós iha vasina ba labarik sira ne'ebé idade 12 to'o menus husi 18 entaun ita iha vasina ne'ebé mak disponivel iha ita-nia Ministériu Saúde, espera katak ita-boot sira intende no komprende didi'ak kona-ba objetivu husi vasinasaun ida-ne'e, atu nune'e ita hotu-hotu bele partisípa." Ministra Saúde dr. Odete informa tan atu ema hotu iha kondisaun ne'ebé di'ak no bele normaliza hikas atividade Sira, presiza kontribui malu, atu bele hasa'e númeru vasina. "Ho prezensa ami-nian ho ita-boot sira-nia kontribuisaun ne'e forsa tebtebes, ita sira ne'ebé iha ne'e ona sai mós ezemplu ba maluk sira ne'ebé mak ohin, horiseik seidauk iha koñesementu kona-ba kampaña vasinasaun hasoru moras Covid-19. Ita hotu hakarak imi iha kondisaun di'ak, saúde di'ak, atu nune'e ita-nia atividade sosiál nian bele la'o livre, ita-nia atividade ekonomia nian mós bele la'o livre." Atividade ne'e suporta másimu husi NGO-HAMNASA no fundus husi USAID | Timor-Leste Local Health System Sustainability Project -LHSS NGO-PARTISIPA Australia in Timor-Leste World Health Organization Timor-Leste Unicef Timor-Leste no seluk tan.