2022-02-13 Ankunft der JPII.-Statue in Ainaro 2


Autor/Urheber:
Ministério da Educação, Juventude e Desporto
Größe:
1560 x 1038 Pixel (620813 Bytes)
Beschreibung:
𝐏𝐑𝐎𝐒𝐈𝐒𝐀𝐔𝐍 𝐌𝐀𝐇𝐄𝐈𝐍 𝐄𝐃𝐔𝐊𝐀𝐒𝐀𝐔𝐍 𝐒Ã𝐎 𝐉𝐎Ã𝐎 𝐏𝐀𝐔𝐋𝐎 𝐈𝐈

𝐇𝐔𝐒𝐈 𝐏𝐀𝐑Ó𝐊𝐈𝐀 𝐌𝐀𝐔𝐁𝐈𝐒𝐒𝐄 𝐁𝐀 𝐏𝐀𝐑Ó𝐊𝐈𝐀 𝐀𝐈𝐍𝐀𝐑𝐎 𝑨𝒊𝒏𝒂𝒓𝒐, 13/02/2022: 𝑷𝒓𝒐𝒇𝒆𝒔ó𝒓 𝒏𝒐 𝑬𝒔𝒕𝒖𝒅𝒂𝒏𝒕𝒆 𝒔𝒊𝒓𝒂 𝒉𝒖𝒔𝒊 𝑷𝒂𝒓ó𝒌𝒊𝒂 𝑴𝒂𝒖𝒃𝒊𝒔𝒔𝒆, 𝒉𝒂𝒎𝒖𝒕𝒖𝒌 𝒎ó𝒔 𝒉𝒐 𝒔𝒂𝒓𝒂𝒏𝒊 𝒔𝒊𝒓𝒂, 𝒂𝒌𝒐𝒎𝒑𝒂ñ𝒂 𝑴𝒂𝒉𝒆𝒊𝒏 𝑬𝒅𝒖𝒌𝒂𝒔𝒂𝒖𝒏 𝑺ã𝒐 𝑱𝒐ã𝒐 𝑷𝒂𝒖𝒍𝒐 𝑰𝑰 𝒎𝒂𝒊 𝒕𝒐’𝒐 𝒊𝒉𝒂 𝑷𝒂𝒓ó𝒌𝒊𝒂 𝑨𝒊𝒏𝒂𝒓𝒐. Iha Domingo ne’e, Illas São João Paulo II, ne’ebé deskansa hela iha Parókia Maubisse, hala’o fali viajen ba iha Parókia Ainaro. Iha oportunidade ida ne’e, Profesór no Estudante sira hamutuk ho sarani tomak Parókia Maubisse nian, akompaña Mahein Edukasaun nian ba iha Parókia Ainaro. Molok hala’o prosisaun, Profesór no Estudante sira hamutuk ho sarani Parókia Maubisse halo selebrasaun Misa, molok hakat ba Parókia Ainaro. Iha Homilia, Pe. Luis Bonaparte hateten katak “São João Paulo II, la’os de’it sai Santu ba Profesór no Estudante sira, maibé São João Paulo II, sai Santu ba sarani tomak”. Bodik Pe. Conselebrante Misa hotu tiha, Profesór no Estudante hamutuk ho sarani Parókia Maubisse hahú daudaun halo prosisaun ba Parókia Ainaro. Tuir dalan, sarani sira husi Lekitei harii Ermida iha dalan ninin hodi simu illas ho símbolu Tara Tais no kari ai-funan ba Mahein Edukasaun. Hafoin ne’e sarani sira husi Sentru Pastorál Fleixa mós hamrik hamutuk iha igreja oin, hodi simu Mahein Edukasaun, Tara Tais no kari ai-funan ba Mahein Edukasaun São João Paulo II. Maske udan boot no malirin maibé sarani sira husi Estasaun Misionáriu Aitutorina mós hamrik iha dalan ho haksolok hodi Tara Tais no kari ai-funan ba Mahein Edukasaun. Biban murak ida ne’e mós Profesór, Estudante no Sarani tomak husi Parókia Maubisse sente haksolok hodi reza no kanta tuir dalan hodi hala’o nafatin sira-nia devosaun ba Mahein Edukasaun São João Paulo II ne’ebé oras ne’e vizita nia oan sira iha Munisípiu Ainaro. Wainhira Illas Mahein Edukasaun São João Paulo II to’o iha Parókia Ainaro, Profesór no Estudante sira hamutuk ho sarani tomak Ainaro nian, hamrik iha dalan hodi simu Mahein Edukasaun ho ksolok. Entretantu iha oportunidade ida ne’e, direitamente Mahein Edukasaun ba vizita kedas Edukasaun Minisípiu Ainaro, molok hakat ba iha Parókia Ainaro. Iha Parókia Ainaro, sarani sira hamutuk ho Profesór no Estudante sira Munisípiu Ainaro nian, tantu eskola Katólika no Eskola Públika, hamrik hamutuk iha resintu Igreja Parókia Ainaro nian hodi simu Illas São João Paulo II, ho Tara Tais, Poezia no baku Drum Band husi Estudante sira iha Parókia Ainaro. Remata tiha ida ne’e, sarani sira hamutuk ho Profesór no Estudante sira hodi Illas São João Paulo II ba hatuur iha Igreja laran hodi kontinua halo venerasaun.

Iha prosisaun ida ne’e autoridade kompotente no responsável Edukasaun Nasionál akompaña nafatin Illas ba to’o iha Parókia Ainaro. Responsável sira ne’e maka hanesan, DG PPII Sr. Raimundo José Neto, Vise-Prezidente INFORDEPE Sr. Manuel Pinto, Administradór Munisípiu Ainaro, Reprezentante Diresaun Nasionál Planu, Reprezentante Diresaun Nasionál Teknolojia no Rekursu Pedagójiku, Diretór Nasionál Edukasaun Minisípiu Ainaro Sr. Oscar de Araújo, Administradór Postu-Administrativu Maubisse, Pároku Maubisse Pe. Feliciano Rodrigues Soares Barreto, Pároku Ainaro Pe. Armindo Brito, Vigáriu Párokia Ainaro Pe. Eugénio, Madre Canosiana sira, Irmã Carmelitas sira, Grupu Kategoriál Igreja, Diretór Eskola, Koordenadór Filiál sira no reprezentante sira husi kada eskola no estudante no sarani tomak husi Munisípiu Ainaro nian.
Lizenz:
Public domain
Bild teilen:
Facebook   Twitter   Pinterest   WhatsApp   Telegram   E-Mail
Weitere Informationen zur Lizenz des Bildes finden Sie hier. Letzte Aktualisierung: Fri, 25 Aug 2023 10:20:39 GMT

Relevante Bilder

(c) José Fernando Real, CC BY-SA 4.0
(c) José Fernando Real, CC BY-SA 4.0

Relevante Artikel

Nossa Senhora de Fátima (Ainaro)

Nossa Senhora de Fátima ist eine römisch-katholische Pfarrkirche in der osttimoresischen Stadt Ainaro. Sie gehört zum Dekanat Same des Erzbistums Dili. .. weiterlesen