2022-01-14 Aiteas
Ministerio Agricultura e Pescas liu husi Direção Geral das Florestas, Café e Plantas Industriais kuda ai kameli no distribui ai oan iha Ambitu Loron Nasional Ai-Kameli (Sândalo) no Florestas iha Suco Aiteas, Manatuto, 13 de Janeiro 2022. Ai kameli hanesan Ai horis nativu ida ne'ebe maka matenek nain sira hanaran Santalum album no konsidera hanesan especies ida ne'ebe tama iha patrimonio nacional, Nacional, tamba ne'e precisa investe hodi bele hasa'e valor economia iha futuru. Alemde ne'e Ai-Kameli sai mos hanesan especies ida ne'ebe iha potensia valor hanesan economia, cultura, ornamentais, historia, terapia no uza ba atividade religiosa iha kontribuisaun Dinamica economia Timor-Leste nian. Rezolusaun Governo no. 41/2015 de 2018, reconhese Ai-Kameli hanesan emblema ba plantasaun no valor Nacional ne'ebe precisa Protesaun especial liu husi re-planta, Inventarizasaun ba potensia no peskiza hodi hetan maneira silvicultura apropriadu iha ninian kresimentu ida mak lais no fo valór ás. Komemorasaun Loron Nasional Ai-Kameli no Florestas ne'e hetan partisipasaun masimu husi: Sua Excia. Ministro Agricultura e Pescas, Sr. Pedro dos Reis, Sua Excia. Presidente Comissão D, Sr. Antoninho Bianco, Sua Excia. Presidente Comissão Função Publica, Sr Faustino Cardoso Gomes, Embaixador husi União Europeia, Portugal no Indonesia, Diretores Gerais MAP, Diretores Nacionais MAP, Presidente Autoridade Posto Adm. Manatuto Villa, Agencia Internacionais, alunos Universitários UNPAZ, grupo Escuteiros, Funcionarios MAP tomak no komunidades Posto Adm. Manatuto Villa hamutuk hodi Komemora loron Nasional Ai-Kameli ba dala lima (V) iha Aiteas, Manatuto. Iha intervensaun sira, Embassador EU no Indonesia reitera sira nian komitmentu hodi kontinua apoiu Timor-Leste iha seitor Florestas liu husi programa Agroflorestas no oferese bolsa estudu ba Timor oan sira ba eskola iha siensia florestas. Ministro Agricultura e Pescas hato'o apresiasaun ba apoiu tomak parseiru internasional, komunidade no Autoridade Municipal mak tulun programa florestas iha Timor-Leste liliu iha Municipiu Manatuto. Presidente Commisão D, Dr. Antoninho Bianco, sublinha importansia ailaran iha era mudansa klimatika. Florestas iha papel hodi ajuda infiltra udan bén atu bele rekarega hikas Aquifera. Ailaran mos fatin ba balada fuik sira. Representante Administrador Manatuto iha nia mensagen bolu atensaun ema hotu atu kuida ailaran hodi redus risku desastre hidrologico hanesan akontese dadaun iha Timor-Leste. Sr. Fernandino Vieira, Chefe Reflorestação nudar Comisão Organizadora relata katak atividade selebrasaun ne'e kuda aioan 4,000 pes iha ektare 5 iha Aiteas no fatin seluk iha Municipiu hotu hodi selebra loron espesial ne'e. Diretór Geral FCPI apresia no louva servisu badinas husi funsionariu sira hotu nacional no municipiu tomak hodi habelar plantasaun ai kameli. Timor-Leste investe ona plantasaun ai kameli ektare 300 resin iha tinan hirak ikus nudar resultadu husi OGE iha Programa Reflorestação no Investimento Ai Kameli. Parabéns Timor-Leste!
Saudasões Floresta!
Relevante Bilder
Relevante Artikel
AiteasAiteas ist ein osttimoresischer Suco im Verwaltungsamt Manatuto. .. weiterlesen