2021-10-08 Francisco Miranda Branco
Palásiu Prezidencial Nicolau Lobato, Dili, 8 outubru 2021 Exeléntísimu Señor Julião da Silva, Vise-Ministru Negósius Estranjeiros no Kooperasaun Familiares,
Señoras no Señores
Exelentísimus Embaixadores emposadus, Parabéns ba Exelénsia sira ne’ebésimu ona responsabilidade atu reprezenta ita-nia Estadu. Ha’u hakarak mós saúda familiar sira ne’ebé mai asiste serimónia ida ne’e. Ho haksolok boot mak ha’u prezide serimónia tomada de posse husi Exelénsia sira, nu’udar embaixador foun Timor-Leste nian ba Reinu Tailândia, Reinu Bélgica, Repúblika Indonézia, Repúblika Moçambique no Malázia. Nomeasaun nu’udar Embaixador reprezenta konfiansa husi Prezidente Repúblika no Governu ba Exelénsia sira. Ami fiar katak, ho orientasaun husi MNEC, imi sei buka-hetan oportunidade husi país ne’e sira ne’e atu fó benefísu ba ita-nia Povu no País. Artigu 6 Konstituisaun RDTL refere momoos loos ba promosaun, hatuur no haburas relasaun amizade no kooperasaun entre Estadu sira. Señoras no señores Señor Embaixador Juvêncio de Jesus Martins, Diplomata karreira nian, hala’o ona knaar nu’udar Embaixador Timor-Leste ba Malásia, rezidente iha país ne’e, no akreditadu mós ba Vietname no Myanmar. Uluk Embaixador mós ba Filipinas. Hala’o knaar diplomátiku iha Indonézia. Uluk Ko-diretor Comissão Verdade no Amizade Timor-Leste no Indonézia. Hala’o knaar importante iha Ministériu Negósius Estranjeirus no Kooperasaun. Molok restaurasaun independénsia kaer knaar nu’ udar adjuntu Sekretariadu Conselho Nacional da Resistência Timorense, plataforma nasionalista sira-nian. Dadur tinan neen tanba ativu iha movimentu klnadestinu durante tempu luta hasoru okupasaun ilegal ba ita-nia País. Ramata estudus iha Universidade TimTim, iha área lian inglés. Señor Embaixador Jorge Trindade Neves de Camões, diplomata karreira nian. Ho ita nia joven rua tan hala’o knaar diplomasia uluk liu iha Jakarta, Indonézia, hafoin referendu 1999. Hala’o mós knaar oioin iha Ministériu Negósius Estranjeirus no Kooperasaun no mós iha embaixada sira. Iha nia karreira, ha’u hakarak destaka katak hala’o ona dala rua kargu nu’udar Sekretáriu-Jerál iha Ministériu Negósius Estranjeirus no Kooperasaun. Uluk Embaixador Timor-Leste iha Vietname durante tinan haat. Koñese di’ak tebes asuntus ASEAN nian. Hasai lisensiatura iha área Filozofia Sósiu-Kulturál iha Escola Superior Filosofia hafoin ramata estudus iha semináriu Dili. Ativu iha organizasaun juventude nian ne’ebé buka-halibur estudante timoroan atu fó atensaun ba preokupasaun ita-nia sosiedade nian. Señor Embaixador Filomeno Aleixo da Cruz, uluk Embaixador Timor-Leste iha Japão entre 2016-2019. Uluk Vise-Ministru Admnistrasaun Estatal I no II Governu Konstitusional. Foi formador de quadros, consultor e facilitador de ações de formação no Instituto Republicano Internacional dos Estados Unidos. (na sigla inglesa IRI-International Republican Institute). Uluk formadór kuadrus, konsultór no fasilitadór ba asoins formasaun iha IRI, Insitutu Republikanu Internacional, Estadus Unidus (sigla inglés IRI – International Republican Institute). Ko’alia mós lian Tetum, Portugés, Indonéziu no inglés. Uluk Profesór Ensinu Primáriu iha Dare. Ramata kursu superior Filozofia no Teolojia katólika, iha Eskola Superior Filozofia no Teolojia iha Flores, Indonézia. Señor Francisco Miranda Branco, hahú atividade polítika bainhira sei joven hafoin revolusaun kravus iha Portugal, iha 1974. Ramata estudus, turnu kalan nian, iha Liceu Dr. Francisco Machado. Hahú servisu nu’ udar funsionáriu públiku, iha tempu koloniál portugés, iha Servisu Planeamentu Ekonómiku no Estatístika. Kontinua servisu iha administrasaun públika ba governu indonéziu hafoin invazaun no okupasaun ilegál ba ita-nia país. Tama kadeia nu’ udar prizioneiru polítiku hafoin masakre Santa Cruz no hetan liberdade de’it hafoin rezultadu referendu fó-sai iha 1999. Deputadu husi kedas tinan 2001. Simu reponsabilidade oioin nu’udar deputadu. Ha’u hakarak destaka liliu ninia knaar nu’ udar Prezidente Conselho Executivo da Aliança Global dos Parlamentares contra a Corrupção (na sigla inglesa, GOPAC). Señora Embaixadora Veneranda Amaral, hala’o knaar importante iha área edukasaun. Dedika-an maka’as ba projetu sira ne’ebé haklean relasaun entre ita nia país no Japão, iha ámbitu Centro Cultural Timor-Leste-Japão. Profesora iha eskola sekundária Fuiloro. Diretora Admnistrasaun no Jestora Rekursus iha empreza Konsultadoria. Ramata estudus iha Jakarta no Filipinas, iha Teolojia Edukasaun no Edukasaun Kristã. Señora Embaixadora no Señores Embaixadores, Iha tinan balun tuir mai, Ita-Boot ida-idak mak sei responsável ba haforsa lasus kooperasaun entre ita-nia país no país ida ne’ebé imi ida-idak sei hala’o knaar iha ne’ebá. Ne’e mak dever dahuluk Embaixador ida-idak nian. Asaun diplomátika, hala’o iha país ida-idak, tenke korresponde ba nesesidade ita-nian, iha rai-laran. País investe osan husi Orsamentu Jeral Estadu ba área diplomasia. Nune’e, ba sira ne’ebé ezekuta orsamentu ne’e – diplomata sira, no liuliu ba Embaixador sira, ami ezije atu kumpre misaun tomak ho di’ak. Bele konta ho Prezidente Repúblika! Ha’u aproveita hato’o ha’u-nia dezeju susesu ba funsaun as ne’ebé Ita-Boot sira foin simu pose ba.
Obrigadu!
Relevante Bilder
Relevante Artikel
Francisco Miranda BrancoFrancisco Miranda Branco ist ein Politiker und Diplomat aus Osttimor. Er ist Mitglied der Partei FRETILIN sowie ihres Zentralkomitees und Nationalen Politischen Kommission. .. weiterlesen