2021-08-04 Sede Suco Gildapil
Lolotoe, 04 agostu 2021 (SRP) – Vise-Ministru Interior (VMI), Antonio Armindo, hamutuk ho reprezentante Komandu Jeral PNTL (Polísia Nasionál Timor-Leste), Superintendente Xefi Polisia, Afonso dos Santos no Diretor Jeral Servisu Migrasaun, Superintendente Asistente Luis Barreto, kontinua halo kampaña imunizasaun hodi aprosima no sosializa programa vasinasaun kontra COVID-19 iha Suku Gildapil, Postu Administrativu Lolotoe, Munisipiu Bobonaro. Vise-Ministru Interior, Antonio Armindo, husu inan aman no joventude sira tenke tuir vasina hodi kontribui ba saude publika iha situasaun pandemia nia laran. “Ohin hau hanesan membru Komisaun Interministerial ne’ebé trata asuntu vasinasaun ho ekipa hosi Ministeriu Interior mai iha ne’e atu fahe deit informasaun kona-ba programa vasinasaun kontra COVID-19 ba Konsellu Suku, Xefi Aldeia, KPK, lider relijioju no lia nain no joventude sira nune’e bele hatutan no habelar informasaun prevensaun ba komunidade sira ne’ebe ohin lamai hodi tuir vasina”, dehan Antonio Armindo, ba komunidade sira iha Sede Suku Gildapil, kuarta ne’e. Nia esplika, so ho vasina maka bele salva ema hosi moras Covid-19 variante delta nune’e bele hakotu lalais korente propagasaun moras ne’e. “Moras Covid Variante Delta daet ona ba timor oan nain 4, nune’e Guvernu nia obrigasaun halo esforsu atu moras ne’e labele daet ba ema barak maka komunidade sira tenke tuir vasina. Portantu Guvernu nafatin halo kampaña hodi ema hotu bele hetan vasina nune’e bele proteje an hosi moras ne’e.” nia afirma. Entertantu Komandante Seksaun Justisa PNTL, Superintendente Xefi Afonso dos Santos haktuir, wainhira komunidade sira kontra lei hodi halo pasajen ilegal maka sei lori moras at hadaet ba ema seluk. "Ami mai iha ne'e atu koalia kona-ba seguransa integradu ne’ebe hatete katak, ema hotu iha dever hodi kontribui ba seguransa. Tanba ne'e orientasaun Komandu Jeral hamutuk ho Vise-Ministru hato'o ba inan aman sira hodi apoiu ita nia polisia sira iha liña fronteira”, nia esplika “Moras ne’e halo ema barak maka mate ona, nune’e hare mak estuda no labele koko fasilita ka halo pasajen ilegal tanba Guvernu bandu. Hau hanesan bunak nia oan hau la bandu maibe estadu la autoriza” dehan Afonso. Iha fatin hanesan, Xefi Suku Gildapil, Emilio Noronha, agradese ba VMI ho komitiva tomak ne’ebe maka mai ona fahe informasaun ba nia komunidade sira atu ba tuir vasina. “Ami agradese no fo parabens Guvernu tanba bele mai ona habelar informasaun iha Suku ida ne’e. parabéns mos ba komunidade sira mesmu ho distansia dok maibe sira mai to iha fatin ida ne’e hodi hein Vise-Ministru Interior", dehan Xefi Suku ne'e.
Emilio haktuir, nia parte sempre halo koordenasaun diak ho parte seguransa liu-liu OPS (ofisial Polisia Suku) no forsa konjunta UPF no F-FDTL ne’ebe hela besik kedas sira nia area.
Relevante Bilder
Relevante Artikel
GildapilGildapil (Gilapil) ist ein osttimoresisches Dorf und Suco im Verwaltungsamt Lolotoe (Bobonaro). .. weiterlesen