2021-07-23 Rezidensia hosi veteranos Kombatentes Libertasaun nasional, Sr. Agostinho Sarmento “Mau Tino”
Ministro “Meta Mali” Partisipa iha Serimonia Inagurasaun ba - II uma ba Kombatentes Libertasaun Nasional hahu hosi Sr. Agostinho Sarmento “MAU TINO”. Manufahi, 23 Julho 2021. Ministro Asuntos Kombatentes Libertasaun Nasional, Sua. Excia. Sr. Júlio Sarmento da Costa “Meta Mali” hamutuk ho Prezidente CCLN, Sr. Riak Leman no Director Geral ACLN, Sr. Joaqum Carvalho de Araujo “Laletek” iha loron 24 de Julho 2021 hakat – an ba Postu administrativo Same, Munisipio Manufahi hodi halo inagurasaun ba rezidensia hosi veteranos Kombatentes Libertasaun nasional, Sr. Agostinho Sarmento “Mau Tino” iha Aldeia Ai Loc Laran, suco Babulo. Konstrusaun hosi uma ne’e rasik hala’o ho apoiu hosi Governo liu hosi Ministerio Asuntos Kombatentes Libertasaun Nasional (MAKLN) ho alokasaun orsamentu U$. 40.000,00 (Rihun hat nolu dolares Amerikanu) ba kada membru kombatentes libertasaun nasional ne’ebe partisipa iha prosesu luta ba ukun rasik-an durante tinan rua nolu to’o rua nolu resin hat (24). Iha ninia intervensaun hafoin seremonia inagurasaun ne’e, Ministro “Meta Mali” sublinha,” Ohin ita halo inagurasaun ba uma Kombatentes Libertasaun Nasional sira nian, ba daruak Senhor “Mau Tino”; semana kotuk 28/06/2021 Sr. "Malibuti" iha aldeia Rai’Kuak, suco Winuno. Hodi nune’e hahu hosi ohin ba oin espera katak la iha tan maluk Kombatentes sira ne’ebe luta durante 20 to’o 24 anos ne’ebe reklama katak sira la iha uma tamba Governo aloka dadaun ona orsamentu balun hodi apoiu sira atu konstrui sira nia uma”, salienta atual Ministro MAKLN no eis Vice – Prezidente Parlamento ne’e. Tuir dadus Ministerio Asuntos Kombatentes Libertasaun Nasional (MAKLN) nian, iha kombatente hamutuk na’in 113 (Atus ida e sanolu resin tolu) ne’ebe rejistadu hodi partisipa iha funu ho durasaun tinan 20 to’o 24. Hosi numeru refere, ba tinan fiscal 2021, iha ona benefisiario na’in 96 (sia nolu resin ne’en) ne’ebe hetan ona apoiu hosi governo hodi konstrui sira nia uma hela fatin; no benefisiariu na’in 13 seluk sei hetan apoiu refere iha tinan fiscal 2022. Uma ida ne'e nu'udar Politika VIII Governu Konstitusional nian ne'ebé lidera hosi Eis Xefe Estadu Maior FALINTIL, Taur Matan Ruak, ho objetivu atu dignifika funu nain sira ne'ebé oferese an durante tinan 24 luta ba independência nasionál, ne'ebé wainhira funu hotu iha 1999 fila mai vila laran la iha kondisaun ba fatin hela. Ministro "Meta Mali" mos promete katak sei preve orsamento hodi hari'i residensia ba Kombatentes Libertasaun Nasional ba Veteranus sira ne'ebe ho grau A 8 - 14 no 15 - 19, ne'ebe fo sira nia vida tomak hodi luta ba libertasaun Nasional.
Alende partisipa hosi familia benefisiariu nian, seremonia refere partisipa mos hosi Prezidente CCLN, Sr. Riak Leman, Prezidente CMCLN Municipio Manufahi, Sr. Tobias Amaral Magno “Maksakur”, Autoridade Municipio Manufahi, PNTL Municpio Manufahi no Veteranus sira husi Municipio Manufahi.
Relevante Bilder
.jpg)
_suco.png)
Relevante Artikel
Babulo (Same)Babulo ist ein osttimoresischer Suco im Verwaltungsamt Same. Der Name „Babulo“ ist in Tetum Terik die Bezeichnung eines Reiches. .. weiterlesen