2021-05-20 Malelat
Oé–Cusse, Kinta 20 Maiu 2021, Presidente Autoridade RAEOA-ZEESM TL, Arsénio Bano hamutuk ho membrus Autoridade nomos ekipa husi DRI, Jestor Passabe no Nitibe, Xefe suku Malelat, Komandante PNTL, UPF, F-FDTL, Lian Nain, Estudantes no Komunidade fatin refere, halo inagurasaun ba Estradas Cussi-Malelat no Kampu Futebol foun no mos Selebra loron Restaurasaun da Independensia 20 Maiu 2021, iha Aldeia Malelat,Suku Malelat, Sub-Rejiaun Passabe. Dirétor Rejionál Infraestrutura-DRI, Candido Amaral iha ninia informasaun hato’o, Ekipa UGE-RAEOA loke estradas foun ida ne’e ho total 4.200 metros (4,2 KM) no ninia luan 8 metros ne’ebé halo ligasaun husi Bairro Cussi, Aldeia Cuan-obe no Hau-tefu, Suku Ban-Afi, Sub-Rejiaun Nitibe ba to Aldeia Malelat, Suku malelat, Sub-Rejiaun Passabe ho ninia durasaun servisu durante fulan 1 (ida) nia laran hodi halo ligasaun entre Sub-Rejiaun rua ne’e no mos sidade vila atu nune fasilita mobilizasaun transportes publikos, vendedor, Ambulansia, Patrullamento Fronteira sira no populasaun sira ne’ebé hela iha Sub-Rejiaun rua ne’e. Xefe Suku Malelat Jose Marques, iha ninia lian menon nia fo agradese ba Autoridade RAEOA–ZEESM TL ne’ebé konsege responde duni sira nia pedidu no durante tempu naruk sira hasoru difikulta mobilizasaun ba asessu transportes publiku mai iha sira nia suku no iha futuru Autoridade RAEOA konsege inagura ona sira nia estradas atu nune hodi fasilita sira nia vida loron-loron. Presidente Autoridade RAEOA, iha ninia diskursus subliña pontu importantes maka loke estradas ida ne’e liu liu assesu estradas atu nune bele fasilita movimentasaun nebe ligadu ba atividades oi-oin hanesan komersiu nomos movimentus seluk, PA Bano, koalia ituan kona projectu ba Be’e Mo’os hanesan proridades prinsipal husi Autoridades RAEOA nia ba tinan 2021 nomos fasilidades publiku seluk hanesan escola, sentru saúde no estradas.
Ikus liu Presidente Autoridade husu atu Komunidades iha RAEOA tenki kuidadus ba Infraestruturas no fasilidade publiku atu nune bele uza ba tempo naruk.Relevante Bilder
Relevante Artikel
MalelatMalelat ist ein osttimoresischer Suco im Verwaltungsamt Passabe. .. weiterlesen