Saelari

Baucau, 02 fulan-setembru 2022 – VIII Governu Konstitusionál, liu hosi Ministériu ba Asuntus Parlamentares no Komunikasaun Sosiál (MAPKOMS) halo diálogu komunitáriu iha suku Saelari, postu administrativu Laga, munisípiu Baucau. Diálogu komunitáriu ne’e hanesan atividade ida iha programa Governu iha Povu nia Le’et “Naroman ba Suku” ho nia objetivu atu lori Governu hakbesik aan ba povu hodi rona sira nia preokupasaun, difikuldade, obstákulu no problema sira iha baze, liu-liu iha área rurál sira atu bele fó resposta direta no indireta ka enkamiña ba parte ne’ebé relevante. Programa ida ne’e kompostu hosi atividade haat hanesan diálogu komunitáriu, harii sentru informasaun suku rurál ida, vídeo konferénsia entre komunidade ho Xefe Governu ka membru sira no harii biblioteka komunitáriu atu komunidade sira bele partisipa ka goza ba dezenvolvimentu nasionál ne’e. Ministru MAPKOMS hatete “sentru ba dezenvolvimentu mak ema, tuir programa prioridade VIII Governu Konstitusionál nian ne’ebé lidera hosi Jenerál Taur Matan Ruak, nune’e ami mai atu ko’alia ho ema, hodi bele tau atensaun másimu nune’e kontribui ba dezenvolvimentu rai ida ne’e”, governante ne’e, mós hakle’an liu tán katak “ami mai atu rona direta ita-bo’ot sira nia problema no fó solusaun imediatu, karik labele, ami lori ba nasionál hodi fó solusaun tuir mai”. Iha biban ne’e, responsável másimu MAPKOMS fó mós oportunidade ba membru governu prezente hanesan Ministru Edukasaun, Juventude no Desportu (MEJD), Armindo Maia, hodi ko’alia kona-ba programa edukasaun nian ne’ebé mak sei harii ka hadi’a eskola hamutuk 550 iha tinan 2022 to’o mandatu remata, bolsa estudu ba mellor estudante, solusiona profesór voluntáriu no kontratadu nia problema no merenda eskolár. Ministru ba Asuntus Kombatentes no Libertasaun Nasionál (MAKL), Júlio Sarmento “Meta Mali”, ko’alia kona-ba hahú hakoi mate-ruin funu na’in sira, fó bolsa estudu ba veteranu oan sira, foka mós ba saúde lutadór sira no apoiu nafatin subsídiu ba veterenu sira. Fó tempu mós ba Vise-Ministru Administrasaun Estatál (V-MAE), Lino de Jesus Torezão, ne’ebé ko’alia kona-ba Uma Kbiit Laek ho tipu rua, regulál no plus iha tinan ne’e, Programa Nasionál Dezenvolvimentu Suku (PNDS) no Programa Mão de Obra do Posto Administrativo (PMOPA) no seluk tán ba komunidade sira atu bele hatene programa Governu nian. Iha diálogu ne’e komunidade sira hato’o sira nia lamentasaun kona-ba juventude iha suku ne’e teste ba F-FDTL no PNTL laiha ida mak selesionadu, problema kona-ba infrastrutura eskolár ne’ebé balun ho kondisaun grave ona hanesan Eskola Bázika Filiál Desagua no Lalabou, fasilita médiku ba suku ne’e no husu mós atu kria rezervadu bee fatin ba natar sira ne’ebé abandonadu kauza bee la sufisiente, reprezentante joventude balun husu mós kona-ba fundu atu haki’ak no kapasitasaun ba sira. Relasiona ba asuntu hirak ne’e membru governu sira rejista no fó solusaun kedas ba asuntu balun no seluk sei lori mai konsidera iha planu asaun tuir mai. Iha ámbitu ne’e, V-MAE inaugura mós sede suku Saelari nian ne’ebé mak finaliza ona nia konstrusaun no prontu atu utiliza tuir nesesidade administrasaun nian. Iha sorin seluk, Deputadu prezente lori Membru Governu hirak ne’e no ekipa ba vizita kampu treinu milísia iha tinan 1977 no 1978 iha horik fatin L7 nian Ira-Afa. Atividade ne’e partisipa husi membru Governu nain haat, reprezentante Sekretáriu Estadu Kooperativa (SEKoop) hosi Xefe Gabinete SEKoop. Partisipa mós hosi Deputadu Cornélio Gama “L7”, Prezidente Konsellu Imprensa, reprezentante Prezidente Autoridade Munisípiu Baucau hosi nia Xefe Gabinete, reprezentante Institusaun Estadu Nasionál no Munisipál sira, Administradór Postu Laga, Amu Pároku Laga, responsável sira iha divizaun liña ministeriál balun. No hetan partisipasaun másimu tebes hosi komunidade suku Saelari no suku viziñu sira.

Baucau, 02 fulan-setembru 2022 – VIII Governu Konstitusionál, liu hosi Ministériu ba Asuntus Parlamentares no Komunikasaun Sosiál (MAPKOMS) halo diálogu komunitáriu iha suku Saelari, postu administrativu Laga, munisípiu Baucau. Diálogu komunitáriu ne’e hanesan atividade ida iha programa Governu iha Povu nia Le’et “Naroman ba Suku” ho nia objetivu atu lori Governu hakbesik aan ba povu hodi rona sira nia preokupasaun, difikuldade, obstákulu no problema sira iha baze, liu-liu iha área rurál sira atu bele fó resposta direta no indireta ka enkamiña ba parte ne’ebé relevante. Programa ida ne’e kompostu hosi atividade haat hanesan diálogu komunitáriu, harii sentru informasaun suku rurál ida, vídeo konferénsia entre komunidade ho Xefe Governu ka membru sira no harii biblioteka komunitáriu atu komunidade sira bele partisipa ka goza ba dezenvolvimentu nasionál ne’e. Ministru MAPKOMS hatete “sentru ba dezenvolvimentu mak ema, tuir programa prioridade VIII Governu Konstitusionál nian ne’ebé lidera hosi Jenerál Taur Matan Ruak, nune’e ami mai atu ko’alia ho ema, hodi bele tau atensaun másimu nune’e kontribui ba dezenvolvimentu rai ida ne’e”, governante ne’e, mós hakle’an liu tán katak “ami mai atu rona direta ita-bo’ot sira nia problema no fó solusaun imediatu, karik labele, ami lori ba nasionál hodi fó solusaun tuir mai”. Iha biban ne’e, responsável másimu MAPKOMS fó mós oportunidade ba membru governu prezente hanesan Ministru Edukasaun, Juventude no Desportu (MEJD), Armindo Maia, hodi ko’alia kona-ba programa edukasaun nian ne’ebé mak sei harii ka hadi’a eskola hamutuk 550 iha tinan 2022 to’o mandatu remata, bolsa estudu ba mellor estudante, solusiona profesór voluntáriu no kontratadu nia problema no merenda eskolár. Ministru ba Asuntus Kombatentes no Libertasaun Nasionál (MAKL), Júlio Sarmento “Meta Mali”, ko’alia kona-ba hahú hakoi mate-ruin funu na’in sira, fó bolsa estudu ba veteranu oan sira, foka mós ba saúde lutadór sira no apoiu nafatin subsídiu ba veterenu sira. Fó tempu mós ba Vise-Ministru Administrasaun Estatál (V-MAE), Lino de Jesus Torezão, ne’ebé ko’alia kona-ba Uma Kbiit Laek ho tipu rua, regulál no plus iha tinan ne’e, Programa Nasionál Dezenvolvimentu Suku (PNDS) no Programa Mão de Obra do Posto Administrativo (PMOPA) no seluk tán ba komunidade sira atu bele hatene programa Governu nian. Iha diálogu ne’e komunidade sira hato’o sira nia lamentasaun kona-ba juventude iha suku ne’e teste ba F-FDTL no PNTL laiha ida mak selesionadu, problema kona-ba infrastrutura eskolár ne’ebé balun ho kondisaun grave ona hanesan Eskola Bázika Filiál Desagua no Lalabou, fasilita médiku ba suku ne’e no husu mós atu kria rezervadu bee fatin ba natar sira ne’ebé abandonadu kauza bee la sufisiente, reprezentante joventude balun husu mós kona-ba fundu atu haki’ak no kapasitasaun ba sira. Relasiona ba asuntu hirak ne’e membru governu sira rejista no fó solusaun kedas ba asuntu balun no seluk sei lori mai konsidera iha planu asaun tuir mai. Iha ámbitu ne’e, V-MAE inaugura mós sede suku Saelari nian ne’ebé mak finaliza ona nia konstrusaun no prontu atu utiliza tuir nesesidade administrasaun nian. Iha sorin seluk, Deputadu prezente lori Membru Governu hirak ne’e no ekipa ba vizita kampu treinu milísia iha tinan 1977 no 1978 iha horik fatin L7 nian Ira-Afa. Atividade ne’e partisipa husi membru Governu nain haat, reprezentante Sekretáriu Estadu Kooperativa (SEKoop) hosi Xefe Gabinete SEKoop. Partisipa mós hosi Deputadu Cornélio Gama “L7”, Prezidente Konsellu Imprensa, reprezentante Prezidente Autoridade Munisípiu Baucau hosi nia Xefe Gabinete, reprezentante Institusaun Estadu Nasionál no Munisipál sira, Administradór Postu Laga, Amu Pároku Laga, responsável sira iha divizaun liña ministeriál balun. No hetan partisipasaun másimu tebes hosi komunidade suku Saelari no suku viziñu sira.